સુરતના પુણા સારોલી કેનાલ રોડ પર કેમિકલના ગોડાઉનમાં આગ

- વહેલી સવારે લાગેલી આગમાં અંદાજે ૪ કરોડથી વધુનુ નુકશાનનો અંદાજસુરત,તા.10 ઓગષ્ટ 2022,બુધવારસુરતના પુણા સારોલી કેનાલ રોડ પર વનમાળી બીઆરટીએસ જંકશન પાસે કેમિકલના ગોડાઉનમાં આગ લાગી હતી. સવારે ૪ વાગ્યા આસપાસ કેમિકલના ગોડાઉનમાંથી પ્રસરેલી આગ બાજુમાં એફએમસીજીના ગોડાઉનમાં પ્રસરી ગઈ હતી. જેથી બિસ્કીટ અને ઠંડા પીણાનો અંદાજે સાડા ત્રણ કરોડથી વધુનો જથ્થો બળીને ખાક થયો હતો. કુલ ચાર કરોડથી વધુના નુકસાનનો અંદાજ સેવાઈ રહ્યો છે.કેમિકલના ગોડાઉનમાં ધડાકાભેર લાગેલી પર કાબૂ મેળવવા 7 ફાયર સ્ટેશનની 13 ગાડીએ 5 કલાક સુધી જહેમત ઉઠાવી આગ પર કાબૂ મેળવ્યો હતો. વરસતા વરસાદમાં પણ કેમિકલના ગોડાઉનમાં આગ લાગતા ધડાકાથી સ્થાનિક વિસ્તાર ધણધણી ઉઠયો હતો અને લોકોમાં ભયનો માહોલ જોવા મળ્યો હતો.

આ પ્રકારના તમામ સમાચાર માટેે App ડાઉનલોડ કરો.