જામજોધપુર તાલુકાના સડોદર ગામમાં કડિયા કામ કરવા ગયેલા એક યુવાનનું સર્પદંસથી મૃત્યુ
જામનગર,તા 1 ઓગષ્ટ 2022,સોમવારજામનગર જિલ્લાના જામજોધપુર તાલુકાના દલદેવળીયા ગામના એક શ્રમિક યુવાનને સડોદર ગામમાં કડિયા કામ કરતી વખતે ઝેરી સાપ કરડી જતાં વિપરીત અસર થયા પછી તેનું મૃત્યુ નીપજ્યું છે.આ બનાવની વિગત એવી છે કે જામજોધપુર તાલુકાના દલ દેવળીયા ગામમાં રહેતો દિનેશ દેવજીભાઈ વાલ્વા નામનો ચાલીસ વર્ષનો શ્રમિક યુવાન ગઈકાલે સડોદર ગામમાં કડિયા કામની મજૂરી કરવા ગયો હતો. જ્યાં બપોરે ત્રણેક વાગ્યાના અરસામાં તેને એક ઝેરી સાપ કરડી ગયો હતો. જેથી તેનું સ્થળ પર જ કરૂણ મૃત્યુ નીપજ્યું હતું. આ બનાવ અંગે મૃતકના પુત્ર ખુશાલભાઈ દિનેશભાઈ વાલ્વાએ પોલીસને જાણ કરતાં શેઠ વડાળા પોલીસે મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ ધરી છે.
આ પ્રકારના તમામ સમાચાર માટેે
App ડાઉનલોડ કરો.