કમલેશે ભાઈને બોલાવી તેની સામે જ કૂવામાં ઝંપલાવ્યુ:મોત

કોઠારીયા રોડ વિક્રાંતિ સોસાયટીમાં રહેતા આધેડે ગઈકાલે કાળીપાટ ગામે આવેલા કુટુંબના સુરાપુરાના દર્શન કર્યા બાદ ભાઈને બોલાવી તેની સામે જ કૂવામાં ઝંપલાવી આપઘાત કરી લીધો હતો.તેઓએ આર્થિકભીંસથી કંટાળી પગલું ભર્યું હોવાનું જાણવા મળ્યું હતું. બનાવની વિગતો અનુસાર,વિક્રાંતિ સોસાયટીમાં રહેતા કમલેશભાઈ રમણિકભાઈ જાદવાણી (ઉ.વ.48) ગઈકાલે તેના કાળી પાટ સ્થિત આવેલા સુરાપુરા દાદાના દર્શન કર્યા બાદ તેમના ભાઈ ધીરેનને કોલ કરી ત્યાં બોલાવ્યો હતો અને ફોન સ્વીચ ઓફ થઈ ગયો હતો.
બાદમાં ધીરેન ત્યાં પહોંચતા જ ત્યાં હાથનો ઈશારો કરી નજીકમાં આવેલા કુવામાં ઝંપલાવ્યું હતું.બાદમાં ત્યાંના લોકો એકઠા થઇ ગયા હતા અને થોડીવારમાં તેને બહાર કાઢતા સિવિલ હોસ્પિટલમાં ખસેડવામાં આવતા તેનું મોત નિપજ્યાનું જાણવા મળ્યું હતું. પોતે હાર્ડવેરનું કામ કરતો હતો હાલ કામધંધો બરાબર ન ચાલતો હોય આર્થિકભીંસમાં આવી પગલું ભરી લીધું હતું.પોતે ચારભાઈમાં વચેટ અને તેમને બે દીકરી હોવાનું જાણવા મળ્યું હતું.આધેડના મોતથી પરિવારમાં અરેરાટી મચી ગઇ છે.

આ પ્રકારના તમામ સમાચાર માટેે App ડાઉનલોડ કરો.