નદીના કાંઠે વડલા નીચે જુગારની જમાવટ કરી બેઠેલા 4 ઝબ્બે : 10 હજારની રોકડ જપ્ત

શહેરની ભાગોળે લાપાસરી રોડ પર વેલનાથ સોસાયટી પાછળ ખોખડદળ નદીના કાંઠે વડલા નીચે ગોળ કુંડાળુ વળી જુગારની જમાવટ કરીને બેઠેલા 4 પત્તાપ્રેમીઓને પોલીસે દબોચી લીધા હતા અને 10,410ની રોકડ કબ્જે કરી હતી. મળતી વિગત મુજબ આજી ડેમ પોલીસ મથકના પીઆઇ ચાવડાના માર્ગદર્શન હેઠળ પીએસઆઇ જે.કે.ગઢવી અને તેમની ટીમ પેટ્રોલીંગમાં હતી. એ દરમિયાન બાતમી મળતા ખોખડદળ નદીના કાંઠે દરોડો પાડી જુગાર રમતા જીતેશ ગોકળ મકવાણા (કોળી) (ઉ.વ.24, રહે. વેલનાથ મફતીયાપરા, લાપાસરી રોડ), રવિ બચુ ચૌહાણ (કોળી) (ઉ.વ.21, રહે. નારાયણનગર, કોઠારીયા સોલવન્ટ) મનોજ રાજેશ ડાભી (દેવીપૂજક) (ઉ.વ.23, રહે. વેલનાથપરા, મફતીયા), અને અશોક ગોકળ સોલંકી (રાજપૂત) (ઉ.વ.37, રહે. વેલનાથપરા મફતીયા)ને દબોચી લીધા હતા અને ગુનો દાખલ કરી કાયદેસરની કાર્યવાહી કરી હતી.

આ પ્રકારના તમામ સમાચાર માટેે App ડાઉનલોડ કરો.