સુરેન્દ્રનગરમાં ભૂગર્ભ ગટરની સુવિધા અસહ્ય દુવિધા સમાન

- નવા જંકશન પાસેના અંધ વિદ્યાલય રોડ પરના પરેશાન રહીશો આંદોલન કરવા તત્પરસુરેન્દ્રનગર : સુરેન્દ્રનગરમાં નાંખવામાં આવેલી ભુગર્ભ ગટર સુવિધારૂપ બનવાને બદલે માથાનો દુઃખાવારૂપ બની રહી છે. કેટલીક જગ્યાએ ગટર બ્લોક હોવાની અવારનવાર ફરીયાદ ઉઠે છે. શહેરનાં નવા જંક્શન વિસ્તારમાં અંધવિદ્યાલય તરફ જવાના મુખ્ય રોડ ઉપર છેલ્લા અઠવાડીયાથી વારંવાર ભુગર્ભ ગટર ઉભરાઈને મુખ્ય રસ્તા પર ફરી વળે છે અને ગટરના ગંધાતા પાણીમાંથી લોકોને ફરજીયાત ચાલીને જવુ પડે છે. રોડ ઉપર આવેલા ઘરોનાં રહીશો ગંધાતા પાણીની બદબુથી ત્રાસી ગયા છે, એવામાં વરસાદ પડે ત્યારે ગટરના પાણી સાથે વરસાદી પાણી ભળીને લોકોનાં ફળીયા-બાથરૂમ સુધી ભરાઈ જાય છે, બેક મારતી આ ગટરની સમસ્યા કેટલાયે દિવસોથી હોવા છતા સમસ્યાનો હલ થતો નથી. શુ રહીશોને આંદોલન કરવું પડશે.? એમ રહીશો પુછી રહ્યા છે.

આ પ્રકારના તમામ સમાચાર માટેે App ડાઉનલોડ કરો.