ઉત્તરાખંડ: પ્રવાસીઓથી ભરેલી કાર નદીમાં ખાબકી, 9 લોકોના મોત

દહેરાદૂન, તા. 08 જુલાઈ 2022 શુક્રવારઉત્તરાખંડના રામનગરમાં શુક્રવારે સવારે દુર્ઘટના ઘટી. અહીં પ્રવાસીઓથી ભરેલી એક કાર વહેતી નદીમાં પડી ગઈ. જેમાં 10 લોકો ઝડપી વહેણમાં વહી ગયા.માહિતી મળતા જ એસડીઆરએફ સહિત પોલીસ વહીવટીતંત્રની ટીમ ઘટના સ્થળે પહોંચી. રેસ્ક્યુ ઓપરેશન દ્વારા 9 લોકોના મૃતદેહ મળ્યા છે જ્યારે એક યુવતી અને મહિલાને બચાવી લેવાયા છે. રામનગર કોટદ્વારા રોડની વચ્ચે સ્થિત કૉર્બેટ નેશનલ પાર્કના ઢેલા ઝોનમાં આ દુર્ઘટના ઘટી. પંજાબના રહેવાસી 11 લોકો ગાડીમાં ઉત્તરાખંડના પર્યટન સ્થળોએ ફરવા નીકળ્યા હતા. આજે સવારે લગભગ 5 વાગે તેમની કાર રામનગરની ઢેલા નદી નજીક પહોંચી, ભારે વરસાદના કારણે નદી વહી રહી હતી અને પુલની ઉપરથી પાણી વહી રહ્યુ હતુ. તેમ છતાં ડ્રાઈવરે સાવધાની રાખી નહીં અને ગાડીને ઝડપથી પુલ પરથી પસાર કરાવવા લાગ્યો પરંતુ ઝડપી વહેણના કારણે પ્રવાસીઓથી ભરેલી આ કાર નદીમાં પડી ગઈ. 

આ પ્રકારના તમામ સમાચાર માટેે App ડાઉનલોડ કરો.