લઘુશંકાએ જતા ટ્રકચાલકનું બીજી ટ્રકની ટક્કરે કરુણ મોત.

વડોદરા નજીક એરફોર્સ બ્રિજ પાસે નેશનલ હાઇવે પર મોડીરાત્રે પુરપાટઝડપે જતી એક ટ્રકે અન્ય ટ્રકચાલકને જોરદાર ટક્કર મારતા તેનું ઘટનાસ્થળ પરજ કમકમાટીભર્યું મોત નિપજ્યું હતું . આ અંગેની વિગત એવી છે કે પંજાબના પટીયાલા જિલ્લાના સમના તાલુકાના આલમપુર ખાતે રહેતા જગજીવનસિંગ રુલાડુરામ સિંગ ડ્રાઇવર કુલવાંતસિંગ શેરસિંહ સિંગ ( ઉ . વ . ૫૩ ) સાથે પોતાની ટ્રકમાં રણોલી જીઆઇડીસીની જીએસીએલ કંપનીમાંથી કેમિકલના ડ્રમ ભરીને નીકળ્યા હતાં . સાંજે ચામુંડા ઢાબાના પાર્કિંગમાં ટ્રક પાર્ક કરી જમીને ગાડીમાં બંને ઊંઘી ગયા હતાં . મોડી રાત્રે ડ્રાઇવર કુલવાંતસિંગ ગાડી નીચે ઉતરી સુરત - અમદાવાદના એરફોર્સ બ્રિજના છેડે લઘુશંકા માટે ગયો હતો . આ વખતે સુરત તરફથી પૂરપાટઝડપે આવતી એક ટ્રકે જોરદાર ટક્કર મારી કુલવાંતસિંહને અથાડતા તેનું વ્હીલ નીચે આવી જતા કમકમાટીભર્યું મોત નિપજ્યું હતું . આ અંગે જગજીવનસિંગે હરણી પોલીસ સ્ટેશનમાં ગુનો નોંધાવ્યો હતો અકસ્માતના અન્ય બનાવમાં આજવા - નિમેટારોડ પર કેવકૃપા બંગ્લોઝ પાસે મોડી રાત્રે પુરપાટઝડપે જતા અજાણ્યા વાહન ચાલકે આશરે ૫૦ વર્ષના અજાણ્યા શખ્સને અડફેટમાં લેતા તેનું મોત નિપજ્યું હતું . આ અંગે બાપોદ પોલીસે ગુનો દાખલ કરી વધુ તપાસ હાથ ધરી છે .
ઉમેશ ભાટીયા.વડોદરા.

આ પ્રકારના તમામ સમાચાર માટેે App ડાઉનલોડ કરો.