જસદણના ક્ડુકા ગામ પાસે મોટર ચાલું રાખવા અંગે મુક્તાબેન પર જ્યસુખભાઈનો હુમલો: પોલીસ ફરીયાદ
(હુસામુદ્દીન કપાસી દ્વારા જસદણ )
જસદણના કડુકા ગામ પાસે વાડીમાં કુવાની અને બોરની મોટર ચાલુ રાખવા પ્રશ્ને, મહિલા પર કોદાળી વડે હુમલો કરનાર શખ્સ સામે ભાડલા પોલીસ મથકમાં ફરિયાદ થઇ છે.પ્રાપ્ત વિગત મુજબ કડુકા ગામમાં રહેતા મુકતાબેન હરેશભાઇ (ઉ.વ.૨૭) એ ભાડલા પોલીસ મથકમાં તેના જ સગા જયસુખ દેવરાજભાઇ બેરાણી વિરૂધ્ધ ફરિયાદ નોંધાવી છે. મુકતાબેને ફરિયાદમાં જણાવ્યા મુજબ તે પરમદિવસે ગામ પાસે વાડીએ હતા. ત્યારે વાડીમાં કુવાની અને બોરની બંને મોટરો ચાલુ રાખવા પ્રશ્ને જયસુખ દેવરાજભાઇ બેરાણીએ મુકતાબેન સાથે ઝઘડો કરી ઉશ્કેરાઇ જઇ કોદાળી વડે હુમલો કરી માથાના ભાગે ઇજા કરી ભાગી ગયો હતો. દેકારો બોલતા આસપાસના લોકો એકઠા થઇ ગયા હતા. બાદ મુકતાબેનને સારવાર માટે હોસ્પિટલમાં ખસેડાયા હતા. બનવાની જાણ થતા ભાડલા પોલીસે મહિલાની ફરિયાદ પરથી જયસુખ દેવરાજભાઇ બેરાણી વિરૂધ્ધ ગુનો દાખલ કરી તપાસ હાથધરી છે.
આ પ્રકારના તમામ સમાચાર માટેે
App ડાઉનલોડ કરો.