મહેસાણા બાંધકામ શાખામાં બે ડેપ્યુટી એન્જિનિયર સહિત 32 જગ્યા ખાલી
મહેસાણા, તા.23મહેસાણા જિલ્લા પંચાયતના
જુદાજુદા વિભાગની કચેરીઓમાં અનેક અધિકારીઓ, કર્મચારીઓની જગ્યા લાંબા અરસાથી ખાલી રહી હોઈ વહીવટી
કામગીરી પર માઠી અસર થતી હોવાનું સૂત્રોમાંથી જાણવા મળ્યું હતુ. હાલમાં બાંધકામ
શાખામાં કી પોસ્ટ બે ડેપ્યુટી એન્જિનિયરની જગ્યા સહિત આશરે ૩૨ કર્મચારીઓની ઘટ છે. મહેસાણા અને કડી કચેરીમાં નાયબ ઈજનેરની જગ્યા
ખાલી છે. તેવી જ રીતે, સિનિયર ક્લાર્કની બે જગ્યા તથા જૂનિયર ક્લાર્કની મંજૂર પાંચ પૈકીની તમામ પાંચેય જગ્યા વણપુરાયેલી છે.તેમજ
વર્ક આસીસ્ટન્ટની મંજૂર મહેકમની રપ પૈકીની તમામ જગ્યાની અછત છે. આટલું ઓછું હોય
તેમ આગામી તા.૩૧/૧૦/૨૦૨૨ ના રોજ વિજાપુર
કચેરીના નાયબ ઈજનેર હરેશ પટેલ તેમજ ૩૧ ડિસેમ્બરના રોજ એક્ઝિક્યૂટી એન્જિનિયર
આર.એસ.પટેલ વયમર્યાદાના કારણે ફરજમાંથી નિવૃત્ત થનાર હોવાના કારણે મહેસાણા જિલ્લા
પંચાયતના બાંધકામ શાખાના કી-પોસ્ટ એવા તમામ એન્જિનિયરની જગ્યા ખાલી પડનાર હોવાથી
તેની માઠી અસર વહીવટી કામગીરી પર પડવાની શક્યતાને નકારી શકાતી નથી તેમ ગોપનીય
વર્તુળોમાંથી જાણવા મળ્યું હતુ.
આ પ્રકારના તમામ સમાચાર માટેે
App ડાઉનલોડ કરો.