કેનેડામાં પંજાબના 3 વિદ્યાર્થીઓના મોત:ટાયર ફાટતા કાર પલટી જતા અકસ્માતમાં મોતને ભેટ્યા, પરિવારે ત્રણેયના મૃતદેહને વતન લાવવા માટે સરકાર પાસે મદદ માંગી

કેનેડામાં કાર અકસ્માતમાં પંજાબના 3 વિદ્યાર્થીઓના મોતનો મામલો સામે આવ્યો છે. ચાલુ કારનું ટાયર ફાટવાના કારણે આ અકસ્માત સર્જાયો હતો. મૃતકોમાં સમાનાના રહેવાસી રસમદીપ કૌર, અમલોહ પાસેના બુરકાડા ગામના રહેવાસી નવજોત સોમલ અને હરમન સામેલ છે. તેઓ સગા ભાઈ- બહેન હતા. મૃતકોના સંબંધીઓનું કહેવું છે કે પંજાબ સરકારે વિદ્યાર્થીઓના મૃતદેહને પંજાબ લાવવા માટેની મદદ કરવી જોઈએ. આ ત્રણેય વિદ્યાર્થીઓ કેનેડામાં ભણવા ગયા હતા. કાર અકસ્માત સર્જાયો હતો
જાણવા મળ્યું છે કે આ અકસ્માત કેનેડાના મિલ કોવ શહેર પાસે થયો હતો. ત્રણેય ન્યુ બ્રુન્સવિક પ્રાંતના મોન્કટન શહેરથી જઈ રહ્યા હતા. આ દરમિયાન તેમની કારનું ટાયર ફાટ્યું હતું. જે બાદ કાર પલટી ગઈ હતી. જો કે ત્રણેય કારમાંથી બહાર નીચે પડી ગયા હતા. જેના કારણે તેઓ ગંભીર રીતે ઘાયલ થયા હતા. આ પછી ત્યાંની પોલીસ ત્રણેયને હોસ્પિટલ લઈ ગઈ. જ્યાં ડોક્ટરોએ તેમને મૃત જાહેર કર્યા હતા. આ અંગે પરિવારજનોને જાણ થઈ હતી. ગામમાં પરિવારજનો ખૂબ જ દુઃખી છે. આ પહેલા ગુરદાસપુરની એક યુવતીએ જીવ ગુમાવ્યો હતો
કેનેડામાં પણ રોડ અકસ્માતમાં પંજાબના વિદ્યાર્થીઓના મોતના મામલા વધી ગયા છે. 22 જુલાઈએ ગુરદાસપુરના બટાલામાં રહેતી 21 વર્ષીય લખવિંદર કૌરનું માર્ગ અકસ્માતમાં મૃત્યુ થયું હતું. આ અકસ્માત બમ્પટન પાસે થયો હતો. તે દસ મહિના પહેલા જ સ્ટડી વિઝા પર કેનેડા ગઈ હતી. તેની સાથે અન્ય બે છોકરીઓનું પણ મોત થયું હતું. અન્ય સમાચાર પણ વાંચો... કેનેડામાં 'બર્થ ડે બોય' સહિત 3 ભારતીયનાં મોત:જન્મદિવસ મનાવી પાછા ફરતી વખતે અકસ્માત, 2 સગાભાઈ અને મિત્રનું મોત; ત્રણેય સલૂનમાં કામ કરતા હતા કેનેડાના ગ્રેટર ટોરોન્ટો એરિયાના બ્રેમ્પટનમાં ગુરુવારે મધ્યરાત્રિએ લગભગ 1:30 વાગ્યે એક કાર અન્ય વાહન સાથે અથડાતા સર્જાયેલા માર્ગ અકસ્માતમાં બર્થડે પાર્ટી મનાવી પરત ફરી રહેલા બર્થડે બોય સહિત 3 ભારતીયોના કરુણ મોત થતાં ભારે અરેરાટી ફેલાઈ ગઈ છે. આ અકસ્માતમાં મૃત્યુ પામેલા ભારતીય યુવકોમાં બે સગા ભાઈ અને મિત્રનો સમાવેશ થાય છે. સ્થાનિક પોલીસના જણાવ્યા અનુસાર આ માર્ગ અકસ્માતમાં અન્ય કોઈ વાહનની સંડોવણી હોવાની શક્યતા વ્યક્ત કરવામાં આવી છે. આ સાથે વાહનને પણ કબજે લેવામાં આવ્યું છે અને આરોપીઓ વિરુદ્ધ સંબંધિત કલમો હેઠળ કેસ નોંધવામાં આવ્યો છે. જણાવવામાં આવી રહ્યું છે કે વાહનની ઝડપને કારણે આ ગમખ્વાર અકસ્માત થયો હતો.

આ પ્રકારના તમામ સમાચાર માટેે App ડાઉનલોડ કરો.