આવાસ યોજના હેઠળ 3 કરોડ નવા મકાનો બનાવાશે:મોદી કેબિનેટ દ્વારા 8 રેલવે પ્રોજેક્ટને પણ મંજૂરી; SC/ST આરક્ષણમાં ક્રીમી લેયર લાગુ થશે નહીં

કેન્દ્રીય કેબિનેટે શુક્રવારે (9 ઓગસ્ટ) પ્રધાનમંત્રી આવાસ યોજના-શહેરી 2.0 યોજનાને મંજૂરી આપી હતી. આ યોજના હેઠળ 3,60,000 કરોડના ખર્ચે ત્રણ કરોડ મકાનો બનાવવામાં આવશે. કનેક્ટિવિટી સુધારવા માટે આઠ રેલવે પ્રોજેક્ટને મંજૂરી આપવામાં આવી છે. માહિતી અને પ્રસારણ મંત્રી અશ્વિની વૈષ્ણવે કેબિનેટમાં લેવાયેલા નિર્ણયોની માહિતી આપી હતી. આ દરમિયાન તેમણે કહ્યું- SC/ST માટે અનામત બંધારણ મુજબ હોવું જોઈએ. બંધારણમાં અનુસૂચિત જાતિ (SC) અને અનુસૂચિત જનજાતિ (ST) માટે ક્રીમી લેયરની કોઈ જોગવાઈ નથી. કેબિનેટ બેઠકમાં મોદી સરકારના 5 મોટા નિર્ણયોઃ 1. આઠ રેલવે પ્રોજેક્ટ મંજૂર, 64 નવા સ્ટેશનો બાંધવામાં આવશે
8 રેલવે પ્રોજેક્ટ્સ પર લગભગ 24,657 કરોડ રૂપિયાનો ખર્ચ થશે. તે 2030-2031 સુધીમાં પૂર્ણ થવાની ધારણા છે. નવા પ્રોજેક્ટ 7 રાજ્યોના 14 જિલ્લાઓને આવરી લેશે. તેમાં ઓડિશા, મહારાષ્ટ્ર, આંધ્રપ્રદેશ, ઝારખંડ, બિહાર, તેલંગાણા અને પશ્ચિમ બંગાળનો સમાવેશ થાય છે. આ પ્રોજેક્ટ સાથે 64 નવા સ્ટેશન બનાવવામાં આવશે. આ 6 મહત્વાકાંક્ષી જિલ્લાઓ (પૂર્વ સિંઘભુમ, ભદાદ્રિકોઠાગુડેમ, મલકાનગીરી, કાલાહાંડી, નબરંગપુર, રાયગડા), 510 ગામો અને અંદાજે 40 લાખની વસ્તીને કનેક્ટિવિટી મળશે. યુનેસ્કો વર્લ્ડ હેરિટેજ સાઈટ અજંતા ગુફાઓને ભારતીય રેલવે નેટવર્ક સાથે જોડવામાં આવશે. આનાથી મોટી સંખ્યામાં પ્રવાસીઓને સુવિધા મળશે. આ ઉપરાંત, નવો પ્રોજેક્ટ લોજિસ્ટિક્સ ખર્ચમાં ઘટાડો કરશે અને ઓઈલની આયાત (32.20 કરોડ લિટર) પણ ઘટશે. 2. ત્રણ કરોડ નવા મકાનો મંજૂર, 3,60,000 કરોડ રૂપિયા ખર્ચાશે
કેબિનેટે આવાસની જરૂરિયાતોને પહોંચી વળવા માટે પ્રધાનમંત્રી આવાસ યોજના-શહેરી 2.0 યોજનાને મંજૂરી આપી છે. આ અંતર્ગત શહેરી અને ગ્રામીણ વિસ્તારોમાં 3.60 લાખ કરોડ રૂપિયાના ખર્ચે ત્રણ કરોડ નવા મકાનો બનાવવામાં આવશે. કેબિનેટે પીએમ-આવાસ અર્બન 2.0 હેઠળ રૂ. 3,60,000 કરોડના 3 કરોડ નવા મકાનોને મંજૂરી આપી છે. 2 કરોડ ઘરો ગ્રામીણ વિસ્તારોમાં અને 1 કરોડ ઘર શહેરી વિસ્તારોમાં હશે. 5 વર્ષમાં 1 લાખ શહેરી ગરીબ અને મધ્યમ વર્ગના પરિવારોને આર્થિક સહાય આપવામાં આવશે. 3. કેબિનેટે ક્લીન પ્લાન્ટ પ્રોગ્રામને મંજૂરી આપી, 1766 કરોડ રૂપિયા ખર્ચાશે
ખેડૂતોની આવક માટે મહત્વપૂર્ણ એવા બાગાયત છોડ પર રોગાણુના હુમલાનો સામનો કરવા માટે નવા સ્વચ્છ પ્લાન્ટ પ્રોગ્રામને મંજૂરી આપવામાં આવી છે. તેનાથી ઉત્પાદકતા અને ગુણવત્તામાં ઘણો ફરક પડશે. તેના પર 1766 કરોડ રૂપિયાનો ખર્ચ થશે. બાગાયત ઉત્પાદન અને એક્સપોર્ટને પ્રોત્સાહન આપવા માટે નવ સંસ્થાઓ આ કાર્યક્રમનો અમલ કરશે. છેલ્લા 10 વર્ષમાં ઉત્પાદનોની એક્સપોર્ટ વધીને 50 હજાર કરોડ રૂપિયા થઈ ગઈ છે. 4. ઇથેનોલ બ્લેડિંગ કાર્યક્રમનું વિસ્તરણ, 1,969 કરોડ રૂપિયા ખર્ચવામાં આવશે
ઇથેનોલ બ્લેડિંગ કાર્યક્રમનો વિસ્તાર કરવામાં આવ્યો છે. 10 વર્ષ પહેલા 1.5% ઇથેનોલનું બ્લેડિંગ કરવામાં આવતું હતું, હવે તે 16% થઈ ગયું છે. કાર્યક્રમના લાંબા ગાળાના ઉદ્દેશ્યને ટેકો આપતા, PM જીવન યોજનાને આગામી પાંચ વર્ષ માટે લંબાવવામાં આવી છે. આના પર 1,969 કરોડ રૂપિયાનો ખર્ચ થશે. 5. ક્રીમી લેયર માટે કોઈ જોગવાઈ નથી, બંધારણ મુજબ SC/ST અનામત હોવું જોઈએ
અશ્વિની વૈષ્ણવે કહ્યું- 'સુપ્રીમ કોર્ટે અનામતને લઈને આપેલા નિર્ણયમાં SC/ST કેટેગરી માટે કેટલાક સૂચનો આપવામાં આવ્યા છે. આ મામલે કેબિનેટમાં ચર્ચા થઈ છે. NDA બાબા સાહેબે બનાવેલા બંધારણ પ્રત્યે પ્રતિબદ્ધ અને સંકલ્પબદ્ધ છે. બંધારણ મુજબ એસસી અને એસટીની અનામતમાં ક્રીમી લેયરની જોગવાઈ નથી. કેબિનેટનો અભિપ્રાય છે કે બંધારણ મુજબ એસસી અને એસટી માટે અનામતની વ્યવસ્થા હોવી જોઈએ. 1 ઓગસ્ટે સુપ્રીમ કોર્ટે પોતાના 20 વર્ષ જૂના નિર્ણયને પલટી નાખ્યો હતો અને કહ્યું હતું કે- રાજ્ય સરકારો હવે અનુસૂચિત જાતિ એટલે કે SC માટે અનામતમાં ક્વોટા આપી શકશે. તેમાં સમાવિષ્ટ જાતિના આધારે અનુસૂચિત જાતિનું વિભાજન બંધારણની કલમ 341 વિરુદ્ધ નથી. જસ્ટિસ બીઆર ગવઈ, જેઓ 7 જજની બેન્ચનો ભાગ હતા, તેમણે કહ્યું હતું કે રાજ્યોએ SC અને ST વચ્ચે પણ ક્રીમી લેયરને ઓળખવા અને તેમને અનામતના લાભો નકારવા માટે નીતિ વિકસાવવી જોઈએ.

આ પ્રકારના તમામ સમાચાર માટેે App ડાઉનલોડ કરો.