ડ્રગ્સની માહિતી કેમ આપશ’ તેમ કહી મિત્રને મિત્રએ છરીના ઘા ઘચકાવ્યા

આ અંગેની પોલીસમાંથી પ્રાપ્ત વિગત મુજબ રાજકોટના રૈયાધારમાં સ્લમ ક્વાટરમાં રહેતા અને રીક્ષા ચલાવી ગુજરાન ચલાવતા મયુર સુનિલભાઈ ધામેલિયા નામના 20 વર્ષના યુવાન ગઇ કાલે આશાપુરા ચોકમાં હતો ત્યારે ત્યાં ઘસી આવેલા સમીર ઉર્ફે સમલો કાસમ બ્લોચ અને એક અજાણી યુવતીએ આવી છરી વડે હુમલો કરતા તેને સારવાર માટે સિવિલ હોસ્પિટલમાં ખસેડવામાં આવ્યો છે.હોસ્પિટલના બીછાને રહેલા મયુર ધામેલિયાએ જણાવ્યું હતું કે તેની પત્ની સુધા અગાઉ એન.ડી.પી.એસ.ના ગુનામાં જેલ હવાલે હોય અને હુમલો કરનાર સમીર ઉર્ફે સમલો બ્લોચ અને મયુર વચ્ચે મિત્રતા હતી. ગઇ કાલે ફરિયાદી મયુર ધામેલિયા આશાપુરા ચોકમાં હતો ત્યારે સમીર ઉર્ફે સમલો અને એક અજાણી યુવતી એક્ટિવા પર આવ્યા હતા. જ્યાં સમીર ઉર્ફે સમલાએ તું કેમ પોલીસને ડ્રગ્સ બાબતે મારી બાતમી આપી છે તેમ કહી છરીના બે ઘા ઝીંકતા યુવાનને સારવાર માટે ખસેડવામાં આવ્યો છે. આ અંગે યુનિવર્સિટી પોલીસ મથકના હેડ કોન્સ્ટેબલ આઇ.ટી. મોરવાડિયાએ સમીર ઉર્ફે સમલા અને એક યુવતી સામે ગુનો નોંધી આગળની કાર્યવાહી હાથધરી છે.

આ પ્રકારના તમામ સમાચાર માટેે App ડાઉનલોડ કરો. [Sassy_Social_Share]