મારામારીના અનેક ગુન્હામાં સંડોવાયેલ જાવેદભાઇ ઉર્ફે જાવલો જાકીરભાઇ કુરેશી ઇસમને પાસા એક્ટ હેઠળ અટકાયત કરી જેલ હવાલે કરતી બોટાદ જીલ્લા પોલીસ

(રિપોર્ટર:-ચેતન ચૌહાણ)
બોટાદ જીલ્લા પોલીસ અધિક્ષક કે.એફ.બળોલીયા દ્વારા જીલ્લામાં કાયદો અને વ્યવસ્થા જળવાઇ રહે તેના ભાગ સ્વરૂપે મારામારીના ગુન્હાઓ કરવાની ટેવ વાળા માથાભારે ઇસમો વિરુધ્ધ પાસાની કડક કાર્યવાહી કરવા સુચના તથા મહર્ષિ રાવલ નાયબ પોલીસ અધિક્ષક બોટાદ નાઓ દ્વારા માર્ગદર્શન આપવામાં આવેલ જે અનુસંધાને બોટાદ ટાઉન પોલીસ સ્ટેશનના પોલીસ ઇન્સપેક્ટર એસ.આર.ખરાડી દ્વારા મારામારીના અનેક ગુન્હાઓમાં સંડોવાયેલ જાવેદભાઇ ઉર્ફે જાવલો જાકીરભાઇ કુરેશી રહે.બોટાદ, અસલમ રેસીડન્સી, ખસ રોડ, તા.જી.બોટાદ વાળા વિરૂધ્ધ પાસા દરખાસ્ત તૈયાર કરી મોકલી આપતા બોટાદ જીલ્લા મેજીસ્ટ્રેટ જીન્સી રોય એ દરખાસ્ત મંજુર કરી પાસા અટકાયત વોરંટ ઇસ્યુ કરતા બોટાદ એલ.સી.બી. પોલીસ ઇન્સપેક્ટર એ.જી.સોલંકી તથા એલ.સી.બી. સ્ટાફ દ્વારા મજકુર જાવેદભાઇ ઉર્ફે જાવલો જાકીરભાઇ કુરેશી રહે.બોટાદ, અસલમ રેસીડન્સી, ખસ રોડ, તા.જી.બોટાદ વાળાને અટક કરી પાસા વોરંટની બજવણી કરી આરોપીને પાલારા (ભુજ) ખાસ જેલ ખાતે મોકલી આપેલ છે.

આ પ્રકારના તમામ સમાચાર માટેે App ડાઉનલોડ કરો.