માણસા તાલુકા કક્ષાનો સ્વાતંત્ર્ય દિન સોજા હાઈસ્કૂલના પટાંગણમાં આયોજીત કરાયો.

ગાંધીનગર જિલ્લાના માણસા તાલુકાની લબ્ધ પ્રતિષ્ઠિત શૈક્ષણિક સંસ્થા "શેઠ એચ. એમ. સાર્વજનિક હાઈસ્કૂલ, સોજા" ના પટાંગણમાં આજરોજ માણસા તાલુકાના સ્વાતંત્ર્ય દિનની ઉજવણી કરવામાં આવી હતી.
નાયબ મામલતદારશ્રી આર. એ. રાવ ના વરદ હસ્તે ધ્વજવંદન કાર્યક્રમની શરૂઆત કરવામાં આવી હતી. અતિથિ વિશેષ તરીકે માણસા મતવિસ્તારના ધારાસભ્યશ્રી જે. એસ. પટેલ ખાસ ઉપસ્થિત રહ્યા હતા. સરકારશ્રીના આરોગ્ય વિભાગ, પોલીસ વિભાગ, વન વિભાગ, આંગણવાડી કર્મચારીગણ, તાલુકા પ્રાથમિક શાળા પરિવાર, તલાટી કમ મંત્રીશ્રી, પૂર્વ સરપંચશ્રીઓ, તાલુકા પંચાયતના સભ્યશ્રીઓ, સોજા કેળવણી મંડળના હોદ્દેદારશ્રીઓ અને ગામની વિવિધ સહકારી સંસ્થાઓના સદસ્યશ્રીઓ અને વિશાળ સંખ્યામાં ગ્રામજનોની પ્રેરક ઉપસ્થિતિમાં યોજાયેલ સદર રાષ્ટ્રીય પર્વની ઉજવણીમાં શાળાના બાળકોએ પણ સાંસ્કૃતિક કાર્યક્રમો સહિત હોંશભેર ભાગ લીધો હતો. માણસા તાલુકાના શ્રેષ્ઠ શિક્ષકશ્રીઓને સન્માનિત કરવામાં આવ્યા હતા. અનેક રાષ્ટ્રીય અને આંતરરાષ્ટ્રીય એવોર્ડ વિજેતા એવા સોજા હાઈસ્કૂલના સારસ્વતશ્રી અને જાણીતા શિક્ષણવિદ્ રાકેશ પ્રજાપતિને પણ આ પ્રસંગે અભિવાદિત કરવામાં આવ્યા હતા. તાલુકાની ઉત્કૃષ્ટ દેખાવ કરનારી ગ્રામ પંચાયતોને પણ આ સમારોહમાં પ્રમાણપત્ર અને ટ્રોફી દ્વારા અભિપ્રેરિત કરવામાં આવી હતી. આમંત્રિત મહેમાનશ્રીઓના કરકમલે શાળાના મેદાનમાં વૃક્ષારોપણ પણ કરવામાં આવ્યું હતું એમ એક અખબારી યાદીમાં શાળાના આચાર્યશ્રી ભાવેશભાઈ જોષી જણાવે છે.

જીતેન્દ્ર ભાટીયા,9429180079.
મોડાસા, અરવલ્લી.

આ પ્રકારના તમામ સમાચાર માટેે App ડાઉનલોડ કરો.