પુત્રના લગ્નના ચાર દિવસ બાદ કૈલાસ પાર્કમાં રહેતા પિતાનું હાર્ટએટેકથી મોત
જે આંગણે ઢોલ ઢબૂક્યા ત્યાં પરિવારના મોભીનાં મોતથી મરશિયા ગવાયા
હાર્ટએટેકના હુમલાના બનાવમાં વધુ ત્રણ લોકોનાં મોત નીપજ્યા છે. જેમાં ચાર દિવસ પહેલાં જ પુત્રના લગ્ન થયા હતા તેના પિતાને હાર્ટએટેકથી તેમજ આધેડ અને પ્રૌઢનું અચાનક ઢળી પડતાં મોત નીપજતા તેના પરિવારમાં કલ્પાંત સર્જાયો છે.
શહેરમાં કોઠારિયા રોડ પર કૈલાસ પાર્કમાં રહેતા વિક્રમભાઇ વિભાભાઇ જળુ (ઉ.46) રાત્રીના તેના ઘેર હતા ત્યારે અચાનક બેભાન થઇ જતા તેને સારવાર માટે હોસ્પિટલમાં ખસેડાયા હતા જેનું સારવાર દરમિયાન મોત નીપજ્યું હતું. બનાવની જાણ થતા આજી ડેમ પેાલીસે તપાસ કરતા મૃતકને સંતાનમાં બે પુત્ર હોવાનું અને ચાર દિવસ પહેલાં તેના પુત્ર રાજના લગ્ન થયા હતા. જે આંગણે લગ્નના ઢોલ ઢબૂક્યા હતા ત્યાં આજે પિતાનાં મોતથી મરશિયા ગવાયા હતા.
આ પ્રકારના તમામ સમાચાર માટેે
App ડાઉનલોડ કરો.