આ કોલર IDથી ચિત્તાઓને કરવામાં આવે છે ટ્રેક, જાણો કેવી રીતે કરે છે કામ

લાંબી રાહ જોયા બાદ આખરે ચિતા દેશમાં પાછી આવી છે. 8 ચિત્તા (5 નર અને 3 માદા)ને નામિબિયાથી ભારતમાં લાવવામાં આવ્યા છે. આ ચિત્તાઓને મધ્યપ્રદેશના કુનો નેશનલ પાર્કમાં છોડવામાં આવ્યા છે. 70 વર્ષ બાદ ચિત્તા ભારત પરત ફર્યા છે. જણાવી દઈએ કે, ભારતમાં છેલ્લે વર્ષ 1947માં 3 ચિત્તા જોવા મળ્યા હતા. આ પછી તેઓને વર્ષ 1952માં લુપ્ત જાહેર કરવામાં આવ્યા હતા. કુનો નેશનલ પાર્કમાં એક મહિના સુધી આ ચિત્તાઓ પર નજર રાખવામાં આવશે અને જો બધું બરાબર રહેશે તો તેમને મુખ્ય જંગલમાં છોડી દેવામાં આવશે. આ ચિત્તાઓ પર નજર રાખવા માટે તેમના ગળામાં કોલર ID લગાવવામાં આવી છે. વાસ્તવમાં, તે એક સેટેલાઇટ કોલર ID છે, જે ચિત્તાનું સ્થાન શોધવામાં મદદ કરે છે. આ રિપોર્ટમાં આપણે જાણીશું કે સેટેલાઇટ કોલર ID શું છે અને તે કેવી રીતે કામ કરે છે. ચાલો સરળ ભાષામાં સમજીએ.

શું છે કોલર ID ?

વાઘ, સિંહ અને ચિત્તા જેવા જંગલી પ્રાણીઓ સહિત અન્ય પ્રાણીઓ પર નજર રાખવા માટે સેટેલાઇટ કોલર આઈડી ગળામાં પહેરવામાં આવે છે. આનાથી વન વિભાગના અધિકારીઓને આ પ્રાણીઓના સ્થાન અને ગતિવિધિ પર નજર રાખવામાં સરળતા રહે છે. નામિબિયાથી લાવવામાં આવેલા 8 ચિત્તા પર સમાન કોલર આઈડી ઇન્સ્ટોલ કરવામાં આવ્યું છે. આ સેટેલાઈટ કોલર IDની મદદથી આ ચિત્તાઓને ગાઢ જંગલમાં પણ શોધી શકાય છે.

લોકેશન અને એક્ટિવિટીની સાથે આ IDની મદદથી ચિત્તાના સ્વાસ્થ્યને પણ અપડેટ કરી શકાય છે. આ પ્રકારના ટ્રેકિંગને એનિમલ માઈગ્રેશન ટ્રેકિંગ કહેવામાં આવે છે. એટલે કે આ ચિત્તાઓ પર ખૂબ જ નજીકથી નજર રાખવામાં આવશે અને આ સેટેલાઇટ કોલર ID મોનિટરિંગ માટે સૌથી મહત્વપૂર્ણ ઉપકરણ તરીકે કામ કરશે.

કોલર ID કેવી રીતે કામ કરે છે?

સેટેલાઈટ કોલર આઈડી GPS ઉપકરણ જેમ કે સ્માર્ટફોન અથવા અન્ય કોઈપણ સ્થાન ટ્રેકિંગ ઉપકરણની જેમ કામ કરે છે. તેમાં GPS ચિપ લગાવવામાં આવી છે, જે પ્રાણીની સ્થિતિ અને તેના ચોક્કસ સ્થાનને ટ્રેક કરે છે. વન વિભાગના અધિકારીઓ સ્માર્ટફોન કે ટેબલેટથી આ માહિતી મેળવતા રહે છે.

આ કોલર આઈડી ઈલેક્ટ્રોનિક સિગ્નલ પ્રસારિત કરે છે જેને ઉપગ્રહોની મદદથી સરળતાથી ટ્રેક કરી શકાય છે. સ્વાસ્થ્ય સંબંધિત માહિતીને ટ્રેક કરવા માટે આ ઉપકરણમાં ઘણા સેન્સર પણ લગાવવામાં આવ્યા છે, જે પ્રાણીના દરેક સ્વાસ્થ્ય અપડેટને ટ્રેક કરે છે. આ ઉપકરણ પાણી પ્રતિરોધક અને એટલું મજબૂત છે કે પ્રાણીઓ તેને નુકસાન પહોંચાડી શકે નહીં.

આ પ્રકારના તમામ સમાચાર માટેે App ડાઉનલોડ કરો.